മെൽബൺ സിറോ മലബാർ രൂപതയുടെ നാലാം വാർഷികം ആഘോഷിച്ചു

 In News, Press releases

ബ്രിസ്ബേൻ ∙ മെൽബൺ സിറോ മലബാർ രൂപതയുടെ നാലാം വാർഷികത്തോടനുബന്ധിച്ച് മൂന്നു ദിവസങ്ങളിലായി കൃപാഭിഷേക ബൈബിൾ കൺവൻഷൻ ബ്രിസ്ബേൻ ആഷ്ഗ്രോവ് മാരിസ്റ്റ് കോളേജ് ഓഡിറ്റോറിയത്തിൽ നടന്നു. അണക്കര മരിയൻ ധ്യാനകേന്ദ്രം ഡയറക്ടർ ഫാ. ഡൊമിനിക് വാളമനാൽ കൺവൻഷൻ നയിച്ചു.ഓസ്ട്രേലിയയുടെ വിവിധ സംസ്ഥാനങ്ങളിൽ നിന്നും ന്യൂസിലാൻഡിൽ നിന്നുമായി 2,500 പേരാണ് കൺവൻഷനിൽ പങ്കെടുത്തത്. ‌രൂപതാധ്യക്ഷൻ മാർ ബോസ്കോ പുത്തൂർ മുഖ്യകാർമികനായ വിശുദ്ധ  കുർബാനയോടെ കൺവൻഷൻ ആരംഭിച്ചു.

തുടർന്നു നടന്ന വാർഷിക പൊതുസമ്മേളനത്തിൽ ഓസ്ട്രേലിയൻ ബിഷപ് കോൺഫറൻസ് അധ്യക്ഷൻ ആർച്ച് ബിഷപ് മാർ മാർക്ക് കോൾറിഡ്ജ്, മുൻ ഓസ്ട്രേലിയൻ ഹൈ കമ്മീഷണറും യൂണിവേഴ്സിറ്റി ഓഫ് ക്യൂൻസ് ലാന്റ് ചാൻസലറും ആയ പീറ്റർ വർഗീസ് തുടങ്ങിയവർ ആശംസകൾ നേർന്നു സംസാരിച്ചു. രൂപതാധ്യക്ഷൻ മാർ ബോസ്കോ പുത്തൂർ സ്വാഗതവും രൂപതാ പാസ്റ്ററൽ കൗൺസിൽ അംഗം ജോളി കരുമത്തി നന്ദി പറഞ്ഞു. രൂപത വികാർ ജനറൽ ഫാ. ഫ്രാൻസിസ് കോലഞ്ചേരി, ഫാ. എബ്രഹാം കഴുന്നടിയിൽ , ഫാ. വർഗീസ് വാവോലിൽ, ഫാ. തോമസ് അരീക്കുഴി തുടങ്ങിയവർ ശുശ്രൂഷകൾക്ക് നേതൃത്വം നൽകി.

 

Recent Posts

Leave a Comment